PLAYER · 球員檔案

張豪杰

人稱「香港水煙天花板」嘅 Tony，初中起就出身自手球名校保良局朱敬文中學，可以話係由細打到大！講到佢嘅入隊歷程認真神奇——大學時喺機緣巧合之下，佢畀同隊兄弟林宥希（海龜）拉咗入香港城市大學手球隊深造；畢業後竟然「逃唔出魔掌」，再次畀海龜拉咗入嚟恆城！兩個人夾咗咁多年，真係想避都避唔開！🤝 雖然近年因為專注打理水煙酒吧生意，有過一段時間比較少見，但復出後嘅佢絕對交足功課，非常勤力咁做體態調整同加操。身為香港球壇稀有嘅「左手將」，Tony 喺場上特別多操作，無論防守定進攻，成日都會爆發一啲令人眼前一亮嘅高難度技術！特別係佢嘅射門極之出其不意，用「離譜」嚟形容絕對係貼切過講笑！🔥 從另一角度睇，Tony 展現咗一種令人佩服嘅自律。無論訓練定比賽幾咁消耗體力，佢都貫徹緊一個至高原則：補”水”永遠優先！正如佢成日掛喺嘴邊：「練完兩罐，烏蠅行得未？」呢份對補充”水”分嘅迷之執著，認真始終如一！😎